အသက် ၂၀ ကျော်အရွယ်မှာဆိုရင် လူတွေက သင့် စိတ်ဆန္ဒ တွေကို တားမြစ်ပိတ်ပင်ပြီး အောင်မြင်မှာကို မလိုလားဘူးလို့ ထင်နေတတ်ပါတယ်။ သင့်အသက် ၃၀ ပြည့်ပြီးရင်တော့ ဒီအတွေးက ဘာမှမဟုတ်တာကို သဘောပေါက်လာပါလိမ့်မယ်။ သင်အောင်မြင်တာကို မြင်ချင်တဲ့သူတွေ အများကြီးရှိတယ်ဆိုတာကို နားဘည်သိမြင်လာပါလိမ့်မယ်။
၂။ မိတ်ဆွေဟောင်းတွေနဲ့ ပြန်ဆက်သွယ်ချင်လာမယ်
အသက် ၃၀ ပြည့်ပြီးတဲ့နောက်မှာ သင့်စိတ်ထဲက နာကျည်းချက်တွေ အငြိုးအတေးတွေကို ဖယ်ထုတ်လိုက်နိုင်ပါလိမ့်မယ်။ ဒီအခါမှာ အလှမ်းဝေးနေတဲ့ မိတ်ဆွေသူငယ်ချင်းဟောင်းတွေနဲ့ ပြန်ပြီးဆက်သွယ် ရင်နှီးချင်လာတတ်ပါတယ်။
၃။ အသံအကျယ်ဆုံးသူက စိတ်အားအငယ်ဆုံးဆိုတာ သိလာမယ်
ကျွန်တော်တို့ အများစုဟာ အသက် ၂၀ ကျော်အရွယ်တစ်လျှောက်လုံး ထင်ပေါ်ကျော်ကြားသူတွေ၊ အတန်းထဲမှာ လုပ်ငန်းခွင်ထဲမှာ အသံကျယ်ကျယ်ပြောနိုင်သူတွေကို အထင်ကြီးအားကျတတ်ကြပါတယ်။ အသက် ၃၀ ပြည့်ပြီးရင်တော့ တည်ငြိမ်အေးဆေးတဲ့ ဘ၀နေထိုင်မှုကို ပိုပြီးတော့ သဘောကျဘာပါလိမ့်မယ်။
၎။ ရုပ်ရည်သွင်ပြင်က ထင်သလောက်အရေးမကြီးတာကို သိလာမယ်
ဘယ်အသက်အရွယ်မဆို လူတိုင်းက ကိုယ့်ရဲ့ရုပ်ရည်သွင်ပြင်ကို စိုးရိမ်တတ်ကြပါတယ်။ ဒါပေမယ့် အသက် ၂၀ ကျော်အရွယ်မှာဆိုရသ်တော့ ရုပ်ရည်သွင်ပြင်က အရေးအကြီးဆုံးလို့ ထင်တတ်ကြပါတယ်။ တကယ်တမ်းလက်တွေ့မှာတော့ သင့်ရဲ့ရုပ်ရည်သွင်ပြင်က ဒီလောက်အရေးမကြီးဘူးဆိုတာ အသင် ၃၀ ကျော်ရင် သဘောပေါက်လာပါလိမ့်မယ်။ ရုပ်ရည်သွင်ပြင်နဲ့ပတ်သက်ပြီး သင့်ရဲ့စိုးရိမ်မှုကို သင်မပြောရင် ဘယ်သူမှမသိနိုင်ပါဘူး။
၅။ ခန္ဓာကိုယ်အနံ့အသက်က အရေးကြီးလာတယ်
ရုပ်ရည်သွင်ပြင်က ဘယ်လိုရှိလဲဆိုတာ အရေးမကြီးပေမယ့် သင့်ခန္ဓာကိုယ်က ဘယ်လိုအနံ့အသက်ရှိလဲဆိုတာကတော့ တကယ်အရေးကြီးတယ်ဆိုတာ သိလာပါလိမ့်မယ်။ ဒါ့ကြောင့် ရေမွှေးတွေ၊ ချွေးနံ့ပျောက်ဆေးတွေက မရှိမဖြစ်လိုအပ်လာပါလိမ့်မယ်။
၆။ မတောင်းဆိုရင် မရဘူးဆိုတာ သိလာမယ်
သင့် မရရှိ မပိုင်ဆိုင်နိုင်တာတွေက သင် မတောင်းဆိုတတ်လို့ ဖြစ်ပါတယ်။ တောင်းဆိုမှ ရရှိဘာတာတွေက အများကြီးရှိပါတယ်။ အလုပ်အကိုင်အခွင့်အလမ်းကနေ အချစ်ရေးကိစ္စအထိ တောင်းဆိုသင့်တာကို တောင်းဆိုတတ်မှ လက်ဝယ်ပိုင်ဆိုင်နိုင်မှာ ဖြစ်ပါတယ်။ အသက် ၂၀ ကျော်အရွယ်မှာ မတောင်းဆိုချင်ခဲ့တဲ့ကိစ္စတွေအတွင် အသက် ၃၀ ကျော်မှ နောက်တရပါလိမ့်မယ်။
၇။ အချိန်အကြာကြီး အိပ်မနေနိုင်တော့ပါဘူး
သတိထားကြည့်ရင် သိပ္ပံနည်းကျရှင်းပြဖို့ မလိုလောက်ပါဘူး။ အသက် ၃၀ ပြည့်ပြီးနောက်ပိုင်းမှာ အရင်တုန်းကလို အချိန်အကြာကြီး မအိပ်နိုင်တော့ပါဘူး။ ဘယ်လောက်ပဲ အအိပ်ကြီးသူဖြစ်ပါစေ အိပ်ချိန်နည်းလာမှာ သေချာပါတယ်။
၈။ အိပ်မက်တွေ မမက်တော့ဘူး
သင့်ရဲ့စိတ်ကူးအိပ်မက်တွေကို ပြောတာမဟုတ်ပါဘူး။ ညအိပ်ရင်မက်တဲ့ အိပ်မက်တွေကိုပြောတာပါ။ အသက် ၃၀ ပြည့်ပြီးနောက်ပိုင်းမှာ ညဖက်မက်တဲ့ အိပ်မက်တွေ နည်းလာပါလိမ့်မယ်။ မက်ခဲ့မယ်ဆိုရင်လည်း မှတ်မိဖို့ခက်ခဲပါလိမ့်မယ်။
၉။ ကျန်းမာရေးက အရမ်းအရေးပါလာမယ်
ကျန်းမာရေးကောင်းဖို့က အရေးကြီးတဲ့အခြေခံအုတ်မြစ်ဖြစ်ပါတယ်။ အသက် ၂၀ ကျော်အရွယ်မှာ ကျန်းမာရေးအတွက် အများကြီးစိုးရိမ်စရာမလိုပေမယ့် အသက် ၃၀ ပြည့်ပြီးရင်တော့ အသေးအမွှားလေးကအစ အကြီးအမားဖြစ်လာနိုင်တာကို သတိပြုရမှာပါ။
၁၀။ မိသားစုက သင့်ရပ်တည်မှုအတွက် အရေးကြီးလာမယ်
ကျွန်တော်တို့အများစု ကိုယ့်ရဲ့ဖြစ်တည်မှုမှာ မိသားစုရဲ့အခန်းကဏ္ဍ အများကြီးပါဝင်တယ်ဆိုတာကို ၀န်မခံချင်တတ်ကြပါဘူး။ အသက် ၂၀ ကျော် အရွယ်တစ်လျှောက်လုံး ဒီအချက်ကို ဆန့်ကျင်ခဲ့ပေမယ့် ၃၀ ပြည့်ပြီးတာနဲ့ သင့်မိသားစုရဲ့အရေးပါမှုကို နားလည်လာမှာပါ။
၁၁။ အပြင်လျှောက်လည်ဖို့ထက် အိမ်မှာအေးဆေးနေချင်လာမယ်
အိမ်မှာပဲ အေးအေးဆေးဆေးအနားယူတာ ဘယ်လိုနေလဲ မသိဘူးဆိုရင် အသက် ၃၀ ကျော်တစ်ယောက်ယောက်ကို မေးကြည့်ပါ။ ၂၀ ကျော်အရွယ် လူငယ်တစ်ယောက်အတွက် အိမ်မှာနားရတာ ကြောင်တယ်လို့ ထင်နေနိုင်ပေမယ့် ကိုယ့်အိမ်ကိုယ်ရာလောက် ကောင်းတဲ့နေရာ မရှိဘူးဆိုတာ ၃၀ ပြည့်ပြီးမှ သိလာပါလိမ့်မယ်။
၁၂။ စွန့်လွှတ်အနစ်နာခံမှုတွေက ရလဒ်ပြန်ရလာမယ်
အသက် ၂၀ ကိုကျော်လာတာနဲ့အမျှ ပေးဆပ်စွန့်လွှတ်မှုတွေ ပိုလုပ်လာမှာ ဖြစ်ပါတယ်။ အစပိုင်းမှာ ခက်ခဲသလိုရှိပေမယ့် အရွယ်ရလာတာနဲ့အမျှ ပိုလွယ်ကူလာမှာပါ။ သင်က အပင်စိုက်သူတစ်ဦးဖြစ်ခဲ့မယ်ဆိုရင် အသက် ၃၀ အရွယ်ဟာ သင်စိုက်ပျိုးခဲ့တဲ့ သီးနှံတွေပြန်ရိတ်သိမ်းရမယ့် အချိန်လို့ ပြောလို့ရပါတယ်။
၁၃။ အကျင့်ဟောင်းတွေ ပြင်ဖို့ခက်လာမယ်
ဆေးလိပ်သောက်တာ၊ အရက်သောက်တာ၊ အစားအလွန်အကျွံစားတာ ဘာပဲဖြစ်ဖြစ် တစဉ်တစိုက်လုပ်ခဲ့တဲ့ အကျင့်တွေကို ပြုပြင်ပြောင်းလဲဖို့ ခက်ခဲလာပါလိမ့်မယ်။ လုပ်လာတာ ကြာတာနဲ့အမျှ ရပ်တန့်ဖို့ ပိုခက်ပါတယ်။ ဒါ့ကြောင့် သင့်မှာရှိတဲ့အကျင့်ဆိုးတစ်ခုခုကို ပြုပြင်ပြောင်းလဲချင်တယ်ဆိုရင် အသက် ၃၀ မတိုင်ခင် ကြိုးစားတာ အကောင်းဆုံးပါပဲ။
၁၄။ အချိန်တွေအကုန်မြန်တာ သတိထားမိလာမယ်
၂၀၀၀ ခုနှစ်ကို ဖြတ်သန်းခဲ့တာ ၁၀ နှစ်လောက်ပဲရှိသေးတယ်လို့ ထင်ရပေမယ့် တကယ်ဆိုရင် နှစ် ၂၀ နီးပါးရှိနေပါပြီ။ အသက် ၂၀ ကျော် ငယ်ရွယ်ချိန်ကဆိုရင် အချိန်တွေက အရမ်းကြာပြီး တစ်နှစ်တစ်ခါမွေးနေ့ရောက်ဖို့ တော်တော်စောင့်ရပါတယ်။ ဒါပေမယ့် အသက် ၃၀ ပြည့်ပြီးရင်တော့ မွေးနေ့ ၆ လတစ်ကြိမ်ရောက်လာသလို ခံစားရမှာပါ။
၁၅။ မှတ်ဥာဏ်စွမ်းအားတွေ လျော့နည်းလာမယ်
အသက် ၂၀ ကျော်အရွယ်မှာဆိုရင် သင့်ရဲ့မှတ်ဥာဏ်စွမ်းအားက သံမဏိထောင်ချောက်တစ်ခုလို စွဲမြဲခိုင်မာနေမှာပါ။ အသက် ၃၀ ကျော်လာပြီဆိုရင်တော့ အရေးမကြီးတဲ့ကိစ္စတွေ အချိန်အတော်ကြာကြာကိစ္စတွေကို အရင်ကလေညက် အတိအကျမှတ်မိနိုင်မှာ မဟုတ်တော့ပါဘူး။
၁၆။ ကိုယ့်ပြဿနာကိုယ်တိုင်ရှင်းရတာ များလာပါလိမ့်မယ်
အသက် ၂၀ ကျော် လူငယ်ဘ၀မှာ ပြဿနာတွေ အခက်အခဲတွေ ကြုံတွေ့ခဲ့မယ်ဆိုရင် တွဲထူပြီး အားပေးမယ့်သူတွေ အများကြီးရှိချင် ရှိနိုင်ပါတယ်။ အသက် ၃၀ ကျော်ပြီဆိုရင်တော့ ကိုယ်ထူကိုယ်ထလုပ်ရတာတွေ ပိုများလာပြီး ပြဿနာတွေ အခက်အခဲတွေကိုလည်း ကိုယ်တိုင်ပဲ ဖြေရှင်းရမှာဖြစ်ပါတယ်။
၁၇။ အလုပ် ကို ပိုတန်ဖိုးထားတတ်လာမယ်
အလုပ်ဆိုတာ ငွေကြေးရဖို့တစ်ခုတည်းအတွက် မဟုတ်ဘူးဆိုတာကို နားလည်လာမှာပါ။ အလုပ် ဟူသမျှ ဂုဏ်ရှိစွဆိုတဲ့ စကားကို ပိုနားလည်လာပြီး အလုပ်ပြီးမြောက်သူတစ်ယောက်ဖြစ်ရတာကို ဂုဏ်ယူတတ်လာမှာပါ။
၁၈။ စိတ်ခံစားမှုတွေ ပိုများလာမယ်
အသက် ၂၀ ကျော်ဘ၀မှာတုန်းကဆိုရင် စိတ်ခံစားမှုတွေ သိပ်ပြင်းထန်လေ့မရှိပါဘူး။ အိမ်ခြေမဲ့သူဖုန်းစားတစ်ယောက်ကို တွေ့ရင်အမှတ်မထင် ဖြတ်လျှောက်သွားနိုင်သလို ကြေကွဲဝမ်းနည်းစရာရုပ်ရှင်ဇာတ်လမ်းတစ်ခုကြည့်ပြီးတော့လည်း ရယ်မော်နေနိုင်ပါသေးတယ်။ အသက် ၃၀ ပြည့်ပြီးရင်တော့ ဘ၀အကြောင်းတွေကို ပိုသိလာပြီဖြစ်တဲ့အတွက် စာနာသနားစိတ်နဲ့ ခံစားမှုတွေ များလာမှာဖြစ်ပါတယ်။
၁၉။ အဆင်မပြေတာတွေနဲ့ အဆင်ပြေလာမယ်
လူငယ်ဘ၀မှာ ဘယ်ကိစ္စမဆို အဆင်ပြေချောမွေ့နေဖို့ပဲ မျှော်လင့်တတ်ကြပါတယ်။ အဆင်မပြေမှု အခက်အခဲတစ်ခုခုကို ရောဂါဆိုးတစ်ခုလို ရှောင်ဖယ်တတ်ကြပါတယ်။ ဒါပေမယ့် သေချာစဉ်းစားကြည့်မယ်ဆိုရင် အဆင်မပြေမှုတွေ အခက်အခဲတွေကပဲ အမှားအမှန်ကို ခွဲခြားသိစေနိုင်ပြီး ပြောင်းလဲဖို့အတွက် အားပေးနိင်ြတာ ဖြစ်ပါတယ်။
၂၀။ သင့်အပေါ်အားကိုးအားထားသူတွေ များလာမယ်
အသက်အရွယ်ရလာတာနဲ့အမျှ သင့်ပတ်ဝန်းကျင်မှာ သင့်ကိုအားကိုးအားထားသူတွေ ပိုများလာမှာ ဖြစ်ပါတယ်။ သင့်မှာ မိသားစုရှိမယ် သားသမီးတွေရှိမယ်ဆိုရင် ဒီအချက်ကပိုသိသာပါတယ်။ အသက် ၃၀နားကပ်လာတာနဲ့ တာဝန်တွေ ၀တ္တရားတွေလညိး ပိုများလာမှာဖြစ်ပါတယ်။ ဒါ့အပြင် တာဝန်သိမု တာဝန်ယူမှုဆိုတာရဲ့အဓိပ္ပါယ်ကို ပိုပြီးနားလည်လာမှာ ဖြစ်ပါတယ်။
၂၁။ နိုင်ငံနဲ့ နိုင်ငံ့ရေးရာကိစ္စတွေကို ပိုစိတ်ဝင်စားလာမယ်
အသက် ၃၀ ပြည့်တဲ့အခါမှာ အရင်တုန်းကပျင်းစရာကောင်းတဲ့လို့ ထင်ခဲ့တဲ့ နိုင်ငံရေးကိစ္စတွေက သင့်အတွက် အရေးပါလာတာကို သိမြင်လာပါလိမ့်မယ်။ လူငယ်ဘ၀မှာ လူမှုဖူလုံရေးနဲ့ပတ်သက်ပြီး စိတ်မ၀င်စားခဲ့ပေမယ့် အသက်အရွယ်ရလာတာနဲ့ အလေးထားတတ်လာမှာပါ။
၂၂။ ဥာဏ်ပညာ အမျှော်အမြင်ပြည့်ဝလာမယ်
အရွယ်ရလာနဲ့အမျှ ဥာဏ်အမျှော်အမြင် တိုးတက်လာတယ်ဆိုတာ အမှန်ပါပဲ။ ဖြတ်သန်းခဲ့ရတဲ့ ဘ၀အတွေ့အကြုံတွေအရ အတွေးအခေါ်ဆန်ဆန် စကားတွေ၊ သံဝေဂစကားတွေ ပြောတတ်လာပြီး ပတ်ဝန်းကျင်ကလူတွေရဲ့ လေးစားမှုကို ရရှိလာမှာ ဖြစ်ပါတယ်။
၂၃။ ပကာသနတွေ သိပ်မမက်တော့ဘူး
လူတွေက ပကာသနတွေကို မက်မောတတ်တာ သဘာဝပါပဲ။ ၂၀ ကျော်အရွယ်မှာဆိုရင် ၀ါဝါမြင်တိုင်း ရွှေလို့ထင်မှတ်သလို ပကာသနအဆောင်အယောင်တွေကို အထင်ကြီးမက်မောတတ်ကြပါတယ်။ ၃၀ ပြည့်ပြီးပြီဆိုရင်တော့ ရိုးရှင်းတဲ့ဘ၀က အကောင်းဆုံးဆိုတာကို သိမြင်လက်ခံလာမှာ ဖြစ်ပါတယ်။
၂၄။ အားနည်းချက် တွေကို လက်ခံနိုင်လာမယ်
လူငယ် ဘ၀မှာတော့ သင့်ရဲ့ အားနည်းချက် တွေက ဘယ်လိုမှလက်မခံနိုင်စရာ ဖြစ်ပါတယ်။ သင့်ကို အားလုံးပြီးပြည့်စုံပြီး အားနည်းချက်မရှိတဲ့သူတစ်ယောက်အဖြစ်ပဲ လူတွေကို မြင်စေချင်ပါတယ်။ တကယ်တော့ အားနည်းချက်တွေမှာလည်း တန်ဖိုးရှိတာကို အသက် ၃၀ ပြည့်တဲ့အခါ နားလည်လာပါလိမ့်မယ်။ အားနည်းချက်တွေက သင့်ကို လူသားပိုဆန်စေနိုင်တာကြောင့် ဖြစ်ပါတယ်။
၂၅။ Casual Sex ကို သိပ်သဘောမတွေ့တော့ဘူး ဖြစ်လာမယ်
အသက် ၃၀ အရွယ်ရောက်လာပြီးနောက်ပိုင်းမှာ ချစ်သူရည်းစားမဟုတ်ပဲ အခုမှတွေ့တဲ့ သူစိမ်းတွေနဲ့ အပျော်ချစ်တင်းနှောတာမျိုးကို သိပ်လိုလားတော့မှာ မဟုတ်ပါဘူး။ ၂၀ ကျော်အရွယ် လူငယ်ဘ၀မှာတော့ ဘာမှမဟုတ်ပဲ လိင်ပိုင်းဆိုင်ရာ သာယာမှုရရှိတာက ဆုလာဘ်တစ်ခုလိုပါပဲ။ အသက် ၃၀ ပြည့်ပြီးတာနဲ့ ချစ်တင်းနှောတဲ့ကိစ္စက ရုပ်ပိုသ်းဆိုင်ရာ ထိတွေ့ခံစားမှု သက်သက် မဟုတ်ပဲ စိတ်ခံစားမှုတွေ ပါဝင်မှ အဓိပ္ပါယ်ပြည့်စုံတာကို သဘောပေါက်လာပါလိမ့်မယ်။
၂၆။ အပြာဇာတ်လမ်းတွေက ရယ်စရာဖြစ်လာမယ်။
လိင်မှုကိစ္စမှာ ရုပ်ပိုင်းဆိုင်ရာထက် စိတ်ပိုင်းဆိုင်ရာ ခံစားမှုကို ပိုအလေးထားတတ်လာပြီဆိုရင် အပြာရုပ်ရှင်တွေ၊ ဇာတ်လမ်းတွေက ဟာသတစ်ခုလို ရယ်စရာကောင်းလာပါလိမ့်မယ်။ အပြာဇာတ်လမ်းတွေဟာ လက်တွေ့ဘ၀နဲ့ ကင်းကွားလွန်းတာကြောင့် ရယ်စရာသက်သက်ဖြစ်နေပါလိမ့်မယ်။
၂၇။ ရာသီဥတု ကြောင့် စိတ်ဆိုးစိတ်ညစ်တာတွေ ပိုဖြစ်လာမယ်
ဒီအချက်က ပိုလွန်းတယ်လို့ ထင်ချင်ထင်ပါလိမ့်မယ်။ ဒါပေမယ့် အသက် ၃၀ နားကပ်လာတာနဲ့ ရာသီဥတု မကောင်းတာက သင့်ကိုပိုပြီး စိတ်ပျက်စေနိုင်တာကို သတိထားမိလာမှာပါ။ ငယ်ရွယ်စဉ်အခါတုန်းက မိုးရွာထဲထွက်ပြီး ပြေးလွှားကစားရတာက ပျော်စရာကောင်းပေမယ့် အသက်ရလာတာနဲ့အမျှ မိုးရွားနေပြီဆိုရင် လမ်းထိပ်က စတိုးဆိုင်ကိုတောင် သွားချင်မှာမဟုတ်ပါဘူး။
၂၈။ အရေးမပါတာတွေအတွက် စိတ်မရှည်ချင်တော့ဘူး။
ရိုးရိုးသားသားပြောရရင် ၂၀ ကျော်အရွယ် လူငယ်ဘ၀က ပိုပြီးတော့ ဒရာမာဆန်ပါတယ်။ ဒါပေမယ့် ၃၀ ပြည့်ပြီးရင်တော့ ဒရာမာဆန်ဆန်ကိစ္စတွေက စိတ်ရှုပ်စရာဖြစ်လာတတ်ပါတယ်။ ဒီလို အရေးမပါတာတွေအတွက်လည်း သည်းခံနိုင်စွမ်းနည်းလာပြီး စိတ်တိုလာတတ်ပါတယ်။
၂၉။ အိပ်မက် တွေက ရည်မှန်းချက်တွေ ဖြစ်လာမယ်။
၂၀ ကျော်အရွယ်က စိတ်ကူးအိပ်မက်တွေက ၃၀ ကျော်အရွယ်မှာ ရည်မှန်းချက်ပန်းတိုင်တွေ ဖြစ်လာမှာပါ။ စိတ်ကူးအိပ်မက်တွေက မူလပိုကီမွန်ဆိုရင် ရည်မှန်းချက်တွေကတော့ အဆင့်မြင့်ပြောင်းလဲလာတဲ့ ပုံစံဖြစ်ပါတယ်။ စိတ်ကူးအိပ်မက်တွေက သင်ဖြစ်ချင်တဲ့အရာတွေဖြစ်ပြီး ရည်မှန်းချက်ပန်းတိုင်တွေကတော့ သင်ဖြစ်အောင်လုပ်မယ့်အရာတွေ ဖြစ်ပါတယ်။
၃၀။ မိမိ ကိုယ်ကိုယ် ပိုသဘောကျလာမယ်
အသက် ၂၀ ကျော်အရွယ်က သင်ဘယ်လိုလူမျိုးလဲဆိုတာကို စူးစမ်းရှာဖွေနေတဲ့အရွယ် ဖြစ်ပါတယ်။ အသက် ၃၀ ပြည့်ပြီးတာနဲ့ သင့်ရဲ့ဖြစ်တည်မှုကို သင်ကိုယ်တိုင် သဘောကျလာမှာ ဖြစ်ပါတယ်။ ကောင်းသည်ဖြစ်စေ ဆိုးသည်ဖြစ်စေ ကိုယ့်ကိုယ်ကိုယ်နားလည်ပြီး ဘယ်သူ့ကိုမှ ကိုယ်တိုင်ထက် ပိုသဘောကျတာမရှိတော့ပါဘူး။
ဒါတွေအားလုံးက အသက် ၃၀ ပြည့်ပြီးမှ သင် သဘောပေါက်လာမယ့် အချက်တွေပါပဲ။ အခုထဲက သိရှိထားပြီး ကြိုတင်ပြင်ဆင်ထားနိုင်ကြပါစေ။
Credit-gentleman
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.